.

Peidiwch â chreu problemau wrth barcio!

Cyngor Caerdydd yn lansio cynllun parcio newydd

O 5 Gorffennaf gofynnir i yrwyr Caerdydd feddwl cyn parcio wrth i gynllun newydd i fynd i'r afael â pharcio anghyfreithlon ar hyd a lled y ddinas.

Bydd Cyngor Caerdydd yn cymryd y cyfrifoldeb o’r heddlu dros orfodi cyfyngiadau parcio a llinellau melyn drwy Gaerdydd, a bydd yn defnyddio ei dimau gorfodi ei hun.

Bydd yr heddlu yn dal i roi tocynnau i yrwyr sy’n parcio ar farciau ffordd igam-ogam neu sy'n achosi rhwystr neu'n parcio'n beryglus.

Bydd y cynllun newydd hwn yn gwella’r ddinas, yn ei gwneud hi’n fwy diogel i gerddwyr, yn haws ar drafnidiaeth gyhoeddus a mwy hwylus i’r gymuned anabl.

Sut bydd y cynllun newydd yn gweithio?

Yn syml, bydd cerbydau sydd wedi eu parcio yn anghyfreithlon yn cael dirwy £70 neu £50 (Hysbysiad Tâl Gosb) yn dibynnu ar yr amgylchiadau.

Bydd y timau yn symud o gwmpas llawer er mwyn gallu blaenoriaeth a delio ag ardaloedd problematig unrhyw le yn y ddinas. Bydd hyn yn cael ei weithredu mewn wythnos saith diwrnod (gan gynnwys gyda’r nos). Cynhaliwyd arolwg yn gynharach eleni ac mae canfyddiadau hwnnw yn cael eu defnyddio i lywio'r gwasanaeth a bydd mwy o arolygon ac ymarferion ymgynghori yn cael eu cynnal yn y dyfodol i helpu i lywio cynlluniau’r dyfodol. Mae canlyniadau’r arolwg cyntaf bellach ar gael yn www.cardiff.gov.uk/keepingcardiffmoving neu drwy gysylltu â C2C ar 2087 2088.

Yr effeithiau cadarnhaol

Mae gan y cynllun nifer o fanteision, i yrwyr, preswylwyr a cherddwyr. Mae’r cynllun yn rhan bwysig yn agenda Dinas Deithio Gynaliadwy Caerdydd, wrth i ni greu trafnidiaeth hyd yn oed yn fwy effeithiol ac ecogyfeillgar gyda’r nod o gadw Caerdydd i symud.

Manteision a ddaw yn sgil y cynllun newydd...

Traffig yn llifo’n well a diogelwch ffyrdd y ddinas yn well
Trafnidiaeth gyhoeddus yn fwy dibynadwy a siwrneiau byrrach
Llai o gamddefnydd ar lefydd parcio anabl
Lleihau problemau parcio o gylch ysgolion ac ysbytai
Llai o rwystrau i gerbydau brys
Gwell mynediad i gerbydau dosbarthu
Mwy o lefydd parcio byr dymor y tu allan i siopau lleol
Lleihau niwed i balmentydd a lleiniau ffordd
Gwell amodau i gerddwyr, seiclwyr a phobl anabl
Gwell amodau mewn ardaloedd preswyl

Sut i osgoi dirwy...

Mae osgoi dirwy yn hawdd - peidiwch â pharcio mewn llefydd anaddas.

Peidiwch â pharcio lle mae cyfyngiadau aros neu lwytho llinellau melyn mewn grym
Peidiwch â pharcio ar linellau dwbl melyn unrhyw bryd
Darllenwch arwyddion ffordd – maen nhw yno am reswm ac yn cynnwys gwybodaeth am ba gyfyngiadau sy’n weithredol
Peidiwch â pharcio ar linellau igam-ogam ger croesffyrdd a thu allan i ysgolion
Peidiwch â pharcio mewn mannau llwytho oni bai eich bod yn llwytho neu'n dadlwytho nwyddau
Peidiwch â pharcio mewn llefydd anabl (os nad oes gennych yr hawl i wneud hynny).
Sicrhewch eich bod wedi talu digon am hyd eich tocyn talu ac arddangos a chaniatewch ddigon o amser i wneud yr hyn sydd gennych i'w wneud.
Neu defnyddiwch ddull teithio gwahanol, fel y trên, bws neu barcio a theithio a beth am ystyried cerdded neu seiclo?
Ar gyfer parcio preswyl, mae'n bwysig bod eich trwydded yn ddiweddar. Edrychwch ar y dyddiad y daw i ben.

Bydd i’w wneud os derbyniwch ddirwy

Os derbyniwch docyn, mae nifer o ddulliau o dalu ar gael. Eglurir y rhain ar gefn yr hysbysiad cosb. Os talwch chi o fewn 14 diwrnod i ddyddiad y gosb, dim ond hanner y gosb fydd yn rhaid i chi dalu (h.y. ceir gostyngiad o 50%). Cofiwch, fodd bynnag, y gall y ddirwy godi 50% os nad ydych yn talu neu’n apelio o fewn 56 diwrnod. Mae proses apêl ar gael os ydych chi'n teimlo na ddylid bod wedi cyflwyno hysbysiad cosb.

Rhagor o wybodaeth

Mae mwy o wybodaeth ar gael ar-lein yn www.cardiff.gov.uk/cadwcaerdyddisymud neu gallwch ffonio C2C ar 029 2087 2088.

Gallwch e-bostio cwestiynau neu sylwadau i carparking@caerdydd.gov.uk

-------

Rhannu Ceir Caerdydd

RhannuCeirCaerdydd.com yw gwefan rhannu teithiau Cyngor Caerdydd sy’n rhoi cyfle i aelod unigol ddod o hyd i gyd-deithiwr posibl ar gyfer rhan o'u taith i'r gwaith neu'r daith i gyd. Mae’r cynllun yn cynnwys teithiau a wneir ar droed, beic, trafnidiaeth gyhoeddus a thacsi yn ogystal â char.

Canllaw byr ar rhannu ceir
Canllaw i ddefnyddwyr RhannuCeirCaerdydd
Canllaw ar sefydlu cynllun rhannu siwrnai

Mae’r system grwp caeedig wedi’i datblygu mewn partneriaeth â Jambusters Cyf i ddarparu gwasanaeth am ddim i sefydliadau sy'n tanysgrifio.

Gall cynllun rhannu teithiau diogel ar ffurf grwp caeedig wneud cyfraniad cadarnhaol at leihau nifer y ceir ar y ffyrdd yn ystod oriau brig.

Mae cynllun rhannu ceir rhanbarthol, sy’n cwmpasu de-ddwyrain Cymru, hefyd ar gael. Darperir Sewtacarshare.com gan Gynghrair Trafnidiaeth De-ddwyrain Cymru (Sewta) ac mae’n agored i bob defnyddiwr ar gyfer unrhyw fath o daith (e.e. teithio i ddigwyddiad arbennig).

.

Peidiwch â chreu problemau wrth barcio!

Strategaeth trafnidiaeth Caerdydd

Cynllunio teithio

RhannuCeirCaerdydd

Cynllun Beic Caerdydd